السلام عليكم
فالاول نهار كنت نطفة زينة هاد نطفة, المهم ظنيت راسي اني من كريات الدم الابيض ما عرفت راسي من بني البشر غير منين قالت الطبيبة لوالدة مبروك راكي حاملة والوالدة مسكينة من الفرحة ديالها حطت يدها على كرشها فالمكان اللي انا موجود فيه تما عرفت اني المقصود
.وراني صاير نولي بنادم
بيني وبينكم ضاق صدري...قلت واش هاد وجع الراس نطلع لعالم تاني ونولي انسان وكاينة المدرسةوالحساب وصداع الراس
وانا نقول مع راسي وا simo راك غادي تخرج وغادي يولي عندك msn وعضوية فسافي ستار
ويمكن تولي مشرف فمنتدى هههه
وانا نفرح وانا نgول غادي نطلع دابا (اودي راك باقي ليك تسع شهور مالك زربان...اميمتي!!!) صبرت مع راسي ومنين صار عندي خمس شهوركنت حاس راني ولد ولكن قلت يمكن نكون بنت (لحماق هذا
)بقيت نقطع فالشعيرات الدموية ونقول ولد بنت ولد بنت.
المهم منين gعدت نفكر فداكشي وشحال باقي ليا ونخرج سمعت صوت الوالد كايتكلم مع الوالدة ,بقيت نقول اشاوا كيgول ليها (التبركيك كاين وباقي فالكرش هههه)قربت ودني شوية نسمع ,طلع الوالد يتغزل فالوالدة ههههه(وانا نقول اهيا دور وجهك لهييه).الصراحة حشمت قلت مع راسي انعس حسن ليا من مانبقى نتصنت ليهوم(قبل مايعاقبني ربي ويصير ليا تنا شي ولد يتصنت عليا من بعد هههه
)بقيت نمص فصباعي تداني النعاس
ومنين صار عندي 7 شهور ,مشات الوالدة والوالد عند الطبيبة باش تطمئن على صحتها الوالدة نعسات على السرير والوالد واقف حداها (باس يحسسها بالامان)وانا نقول حاشا وعلاش واش نتي حاملة بشي وحش
الطبيبة حطات الجهاز على بطن الوالدة وبدات تحرك فاليمن واليسر فوق وتحت وهوما يشوفوني فالتلفزة,تما شفت كمارتي اول مرة
وانا نبدا نبان عليهوم
نحرك رجلي ونفتح عيني ونغمضها ونمص فصباعي ,والوالد والوالدة فرحانين مساكن(بحال ايلا ماعمرهم شافو البشر
),وهيا تقول الوالدة لطبيبة امتا موعد الولادة قالت باق شهرين .
غير سمعت الخبر
هو يجيني انهيار عصبي هههه شهرين يالمسخوطة ديال الطبة وطلع ليا الدم
,الجو حار تما لا فرافر لا تحاجة ماتبرد بها
,قلت مع راسي ما كاين غير النعاس باش ندوزوا هادشي وانا نعس شهريين(نومة اهل الكهف
)فقت من النعاس وحسيت بالملل والفراغ وحاولت نرفه على راسي وبديت نلعب لعبة الحبل السري وبديت تنغني واحد جوج تلاثة هيييه واحد جوج تلاثة هيييه
.
واحد الشوية من قوة ماكانتهز ونطحط وانا نتقلب وصار راسي لتحت ورجلي لفوق وبدات الوالدة مسكينة كاتغوت,خادها الوالد لاقرب صبيطار,قالت الطبيبة هادي الولادة,وانا نفرح وبديت نقاد فراسي باش نخرج
,والوالدة تغوت حطوها على السرير غاديين بها لغرفة الولادة,والوالد غادي جنبها ويقول ليها ماتخافيش انا حداك .والوالدة تقول ليه نخاف نموت وانا كنولد(زعما gاع انا منحوس لهاد الدرجة
)والوالد يرد عليها والدموع نازلة يجعل يومي قبل يومك(متاثر بالافلام مسكين
,الله يسمح لينا من حق الوالدين وصافي
)
دخلات الوالدة لغرفة الولادة قالت ليها الطبيبة زفيير زفيير الوالدة فهماتها مقلوبة دارتها شهيق
وانا نتكربع لور
(اح اميمتي)وانا ندرب لواليدة برجلي قلت ليها زفيير زفيير يا الوالدة ,بحال ايلا سمعتني وهيا تدير واحد زفير وهيا دفعني واحد الدفعة خرجت 20 كلم فالساعة
.
وانا نعطيها لواحد مولاتي بكية
,والوالدة فرحانة مسكينة , والطبيبة فرحانة تاهيا وتشوف فيا ,وانا نقول معا راسي ليها واديك لمسخوطة ودوري وجهك لهيه راه كانحشمو زعما ههههه
.
وهيا تهزني ودورات عليا واحد الزيف بيض.واخيرا جيت لهاد الدنيا وانا بيناتكم دابا
يالله نتمنا الموضوع يعجبكم والى موضوع في القريب العاجل
تقبلوا سلامي