[مسعود هو واحد الانسان قلب مزيان وضريف والايمان ديالو قوي ولكن مسكين بحل بحال معضم الشباب ماعندو زهر gاع الحاجه لي دار فيها يديه كاتعكس لله يناجينا ويناجيكوم من لعاكاس ديالو.
مسكين قرا بحالو بحال عيباد الله وخدا الباك ديالو عام 2000ومعا داك الباك واخدو عي بدفيعه لله وجايبو 10 ماقبلات عليه حتى شي جامعه فيها الضو من غير كليه العداب زعما الاداب
بدا فلافاك نهار كايقرا وشهر اضراب لمهيم لواقت لي كيدوزو ف طوبيس كتر من لي كيقراه حتى عيا ودار بناقص من القرايا وشاف خدمه فواحد السيبير .
(وفداك الوقيته ليمقابل السيبير بحال الموضف ف السلك الدبلوماسي وايلي سيبير ف 2000)
وحد النهار وهو يعمر ف القرعه ديال الميريكان (gال مع رسو نجرب زهري على الله طلع )
سيفتوليه بريا من القنصليه بلي راه تقبل بقا كيجري وكايوجد الوراق حتى جمع كولشي
حتى خدا ال vيزا.
صافي تسيف على صحابو كاملين وحتى على مول السيبير مسكين لي خدمو ودار فيه خير يامات تgريدا
(اوا خونا فالله ماقدو حد صافي فرعن وايلي الميريكان هدي )
مشا قطع البيي ديال الطياره وكان التاريخ ديال السفر هو11/09/2001مع 6 ديال الصباح
وخاصو يكون فالمطار قبل بسعتين هي 4 ديال الصبح
لموهيم مشا لدار وجمع حوايجو وسلم على العائله ديالو وقاليهم ريGلو الماGن ديال دار كولهوم مع 2 باش يفيقوني مساكن داكشي لي دارو
واخا هاكداك ماتاقش وناض دار على ولاد الحومه كاملين قليهوم مع 2 دوزو فيقو خوكوم باش ماتهربش عليه الطياره
واخا هاكداك ماتاقش مين دخل لبيتو باش ينعس عيط للعساس قليه "ابا حمد لله يرحم ليك الواليدين مين دير 2 فيقني باش ماتمشيش عليا طياره "
وهو يقوليه با احمد"اوليدي ا مسعود هادي راها 2 دابا "
هز الصاك ديالو ومشا طاير للمطار واخا ماناعش ماكايهموش الميريكان هدي حتا يوصل وضربها بنعسه
وصل المطار وعالس كايحسب الوقت دقيقه تدوز بساعه وساعه تدوز عليه بنهار
حتى جات ساعه الصفر لي كايتسناها مسعود ب فارغ الصبر هادي 6 اشهر
الساعه لي رادي تبدل حياتو.
وهو يسمع المضيفه ديال الطيران كتقول ................
"تم الغاء جميع الرحلات المتوجهه نحو مطار نيويورك الدولي بعد الاحدات الارهابي التي اسفرت عن سقوط برج التجاره العالمي"[/
موضوع: مسعود غادي لميريكان 
